<?xml version="1.0" encoding="UTF-8"?><song><author>Tʋnʋp in Chʋfa ikbi tok</author>
<aka>Ʋba Pi̱ki Chihowa mʋt</aka>
<lyrics>[V1]
 Ʋba Pi̱ki Chihowa mʋt,
 Ik yʋmohmi, ish ahni na,
 Nitak hopaki fehna kash
 Hatak e toba tok oke.

[V2]
 Shilombish Holitopa 'k osh
 Ik yʋmohmi, ish ahni na,
 Chisʋs Ʋt toba tok oka
 E chi aiokpahanchishke.

[V3]
 Yʋmohmi pulla tok oke:
 Chisʋs Chihowa Ushi mʋt,
 Chim anumpa holitopa
 Hatak ish ema tok oke.

[V4]
 Chu̱kʋsh hanta holitopa
 Auet ish pima pullashke;
 Ʋbanumpa pim a̱ya he,
 Nitak holitopa fehna,

[V5]
 Il ahni kak pi yukpa,
 Himak nitak fehna hoka,
 Ʋba Pi̱ki Chihowa ma!
 Chim anumpa holitopa.

[V6]
 Haklo pi bʋnna fehna hosh,
 Aboha hanta ilʋppa
 Chim anumpeshi ʋhleha
 Il ai itafamoʋshke.

[V7]
 Pit e chim anumpohonli
 Auet ish haklo pullashke;
 Shilombish Holitopa ya̱
 Et ish pi anukfokashke.

[V8]
 Pi chu̱kʋsh yoshob' okpulo,
 Chishno 't ish pi̱ nukha̱klashke,
 Chi chu̱kʋsh chohmi pi bʋnna;
 Ik yʋmohmi, il ahnishke.

[V9]
 Hatak yoshoba shilombish
 Okchalinchi chi bʋnnʋshke;
 Ʋba Pi̱ki binili ma!
 Auet ish pi nu̱k, ha̱klashke.</lyrics>
<title>Public Worship ƲIT134</title>
<time_sig>L.M. (8.8.8.8.)</time_sig>
<hymn_number>134</hymn_number>
</song>